Белсат Zoom – новая праграма ў інфармацыйным вяшчанні. У цэнтры ўвагі – эпідэмія каронавірусу. Каментары з месца падзеяў. Ацэнкі экспертаў. Мы здабываем інфармацыю там, дзе прымушаюць маўчаць.
Міністэрства аховы здароўя Беларусі пацвердзіла другую смерць ад Ковід-19. Паводле міністэрства, памерлая пацыентка мела таксама і хранічныя захворванні. 73-гадовая жанчына цягам двух тыдняў была на лячэнні ў віцебскай больніцы.
Пад медычным наглядам і на лячэнні ў Беларусі ў звязку з каронавірусам застаюцца 157 асобаў – гэта афіцыйныя звесткі. Аднак агульны лік усіх інфікаваных у краіне па-ранейшаму афіцыйна не называецца.
Агульная колькасць заражаных каронавірусам у свеце набліжаецца да мільёна, на сёння паводле афіцыйнай інфармацыі ў свеце пацверджана больш за 873 тысячы выпадкі Ковід-19. Найбольш іх зарэгістравана ў ЗША – амаль 190 тысячаў. У Італіі ды Іспаніі колькасць захварэлых на Ковід-19 перавышае сто тысячаў у кожнай краіне. Прэзідэнт ЗША Доналд Трамп папярэдзіў, што бліжэйшыя два тыдні барацьбы з каронавірусам будуць цяжкія.
Гэта можа гучаць як першакрасавіцкі жарт, але гэта афіцыйная інфармацыя: урад Беларусі забараніў вывозіць за межы краіны грэчку, цыбулю і часнык. Адпаведная пастанова апублікаваная на сайце Савету Міністраў Беларусі.
Новая норма не распаўсюджваецца на вываз тавараў для аказання міжнароднай гуманітарнай дапамогі замежным дзяржавам паводле рашэння ўраду.
Каментар Аляксандра Класкоўскага глядзіце ў відэа.
Калаж з фота: Alexei Nikolsky / TASS / SERGEY PIVOVAROV / Reuters / Forum
