Што агульнага ў палацаў Януковіча і Лукашэнкі? Якія з беларускіх прадпрыемстваў першымі могуць увайсці на Варшаўскую біржу? Прарасейскія баевікі атакуюць Аўдзееўку: чаму адныя ўцякаюць з гораду, а іншыя – застаюцца?
Упершыню за апошнія 11 гадоў адбыўся візіт афіцыйнай дэлегацыі Палаты прадстаўнікоў Беларусі ў польскую сталіцу. Дасюль заходнія краіны не прызнавалі легітымнасці беларускага парламенту. Чаму дэмакратыя і правы чалавека адышлі на другі план у стасунках паміж Варшаваю ды Менскам? Рэпартаж Руслана Шошына
Куды прывядзе польскі realpolitik? Інтэрв’ю з Міхалам Патоцкім з Dziennik Gazeta Prawna – адным з двух польскіх журналістаў, якія паразмаўлялі з дэпутатамі Палаты Прадстаўнікоў падчас іх візіту ў Варшаву. Пракаментаваць свой візіт «Белсату» беларускія чыноўнікі адмовіліcя.
Ці можа звычайны чалавек з вуліцы пабачыць на ўласныя вочы палацы, лецішчы ды рэзідэнцыі, якімі карыстаюцца кіраўнікі дзяржаваў? У адных краінах – свабодна, у іншых можна толькі пасля пэўных грунтоўных зменаў, а ў трэціх абсалютна немагчыма. Ды, як вядома, калі нельга, але вельмі хочацца, то можна.
[/vc_column_text][vc_video link=”https://youtu.be/8IALlOLmAVw”]
Адносна спакойны перыяд на Данбасе скончыўся. З нядзелі Аўдзееўка зрабілася эпіцэнтрам вайсковых дзеянняў. Як выглядае жыццё ў часе няспынных абстрэлаў за 10 кіламетраў ад Данецку? І чаму мясцовыя не ўцякаюць з гораду? Пад абстрэлам «Градаў» пабываў наш карэспандэнт Антось Цялежнікаў.
«Мой сын не можа паехаць на канікулы да дзеда ў Аўдзееўку», – кажа Алена Студзіна, дачка аднаго з герояў рэпартажу Антося Цялежніка. Алена ўцякла ў Польшчу, дзе распачала вучобу. Яе бацька, Вячаслаў Карпенка, застаўся ў Аўдзееўцы.
Карэспандэнт «Белсату» на Данбасе Антось Цялежнікаў далучаецца да размовы ў студыі праз Skype. Якія мэты ставяць перад сабой прарасейскія сілы? Як дзейнічаюць украінскія ўлады? Ці можна прагназаваць сітуацыю?
Б’юць сістэмы залпавага агню «Град», працуюць танкі. Украінскія ўлады разважаюць пра эвакуацыю гораду, а найбуйнейшы ў Еўропе коксахімічны завод, што забяспечвае энергіяй усю Аўдзееўку, пад пагрозаю знішчэння. У другую гадавіну падпісання Менскіх дамоўленасцяў, пасля адносна спакойнага перыяду, сепаратысты распачалі наступ.
Рэпартаж Усевалада Шлыкава.