«Омск Карбон Магілёў» адказаў блогеру NEXTA на фільм «Лукашэнка. Крымінальныя матэрыялы», які на Youtube паглядзела амаль 2 мільёны чалавек. Завод пабачыў у фільме кадры пра сябе – пра тое, што завод спрыяе пагаршэнню экалагічнай сітуацыі – і адказаў, што насамрэч ніякага пагаршэння няма, што дзякуючы заводу ёсць працоўныя месцы, а эканоміка стабільная менавіта дзякуючы Лукашэнку.
Абмяркуем пытанне з самым аўтарам фільму Сцяпанам Святловым, блогерам NEXTA.
– Што адкажаш заводу, які кажа, што «NEXTA робіць опус, створаны не ў самых лепшых традыцыях сусветнай прапаганды, кампіляцыя непацверджаных фактаў, чутак і плётак»?
– Дастаткова проста адкрыць гэты артыкул на Tut.by і прачытаць каментары, якія людзі пісалі: нібыта Лукашэнка за 25 гадоў усё паляпшаў-паляпшаў эканамічную сітуацыю, а тут раптам нейкія блогеры чамусьці ўсё разбураюць. Што датычна экалогіі, у фільме ўсё па фактах на 100 адсоткаў.
– То бок гэта факты?
– Безумоўна! Праводзіліся ж экалагічныя экспертызы, актывісты выступалі, гэта ўсё даказана… Відаць, у іх ёсць бюджэт на гэтае відэа, бачна па якасці…
Працяг размовы – у відэа.
Сяргей Падсасонны belsat.eu
Калаж з фота: Дзяніс Дзюба belsat.eu