Магілёў у Расеі: акупацыя ці ўз’яднанне?

У Магілёва былі складаныя адносіны з Маскоўскай дзяржавай, якая пазней пачала называцца Расеяй.

З аднаго боку – выгодныя гандлёвыя сувязі, праз якія горад багацеў, і свядомасць аднаверства, бо Магілёў моцна трымаўся праваслаўя. З другога, – Магілёў ад XVI ст. акружаўся ўсё больш магутнымі абарончымі ўмацаваннямі з адзінай мэтай – абараніцца ад Масквы. Перад пагрозай знішчэння ў 1654 г. горад добраахвотна паддаўся маскоўскаму цару, з умовай захавання сваіх вольнасцяў і прывілеяў.

Расчараванне ў аднаверцах было хуткім і моцным. Аказалася, Масква – не Еўропа. Цар не збіраўся цярпець самастойнасць магілёўцаў, а тым больш – самакіраванне. Бач ты, самыя хочуць і магістрат выбіраць, і бурмістраў, і судзіцца сваім судом! Вынікам стала знакамітае магілёўскае антымаскоўскае паўстанне 1661 г.

Канчаткова Масква падпарадкавала сабе Магілёў у 1772 г. Як пачуваўся горад у Расейскай імперыі? Што змянілася, пабудавалася ці, наадварот, разбурылася за 200 гадоў расейскага панавання? І які след у біяграфіі апошняга расейскага імператара пакінуў Магілёў? Глядзіце ў новай серыі «Загадак беларускай гісторыі».

Праграма «Загадкі беларускай гісторыі» выходзіць на «Белсаце» кожны панядзелак а 18:45. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.

belsat.eu

Больш матэрыялаў

Вусная гісторыя супраць савецкай прапаганды. Праўда простых людзей

Ідэальнае месца для фестываляў сярэднявечнае культуры

Мультыкультурны Менск пачатку ХХ стагоддзя – калыска геніяў

Лёс Анатоля Сыса як адлюстраванне лёсу краіны

Гісторык, які абгрунтаваў права беларусаў на сваю дзяржаву

Яны спрабавалі стварыць новае ВКЛ на пачатку ХХ ст.

Пад знакам паравоза. Як нарадзіліся Баранавічы?

Сакрэт замку Іказнь на Браслаўшчыне