Ці то вакханалія пачалася, ці то зімовае абвастрэнне. Аляксандр Лукашэнка на гэтым тыдні правёў спартовую нараду, на якой адышоў ад прыгатаваных на паперцы тэкстаў.
Аштрафавалі за тое, што прыйшоў на ўласны суд!
Пераапрананне ў турэмную робу і прыкоўванне сябе да калоды на знак пратэсту каштавала гарадзенскаму актывісту Міколу Саляніку амаль 500 долараў штрафу!
«А чаму я не маю права прыйсці? Можа, мне падабаецца цяжкі рок, мне падабаюцца ланцугі, ашыйнік металічны?» – кажа кіраўнік АГП у Горадні Мікалай Салянік.
Аднак улады трактавалі паход у робе як незаконны пікет. Наступны «суд» – абласны – не задаволіў скаргі актывіста на штраф за шпацыр 7-га лістапада. Жорсткае затрыманне палічылі законным, вінаватым у сітуацыі назвалі актывіста. Сёння Міколу Саляніка судзілі трэці раз за тыдзень! За ўскладанне кветак у Свіслачы на Дзень памяці паўстання Кастуся Каліноўскага дзяржава выставіла яму рахунак 980 рублёў. Агулам, за тры штрафы, пенсіянер, інвалід-сардэчнік Мікола Салянік мае заплацІць дзяржаве больш за дзве з паловаю тысячы рублёў ($ 1300)!
«Прыводзіш факты, размаўляеш з суддзёю – тое ж самае, што са сценкаю», – кажа Салянік.
А таму часам прасцей заляпІць рот скотчам – вынік усё роўна ўжо гатовы. Мікалай Салянік, дарэчы, калісьці сам быў чыноўнікам – ды нават кіраваў Іўеўскім раёнам! Адпачыць на пенсіі не дазваляе пастаянны пераслед – пасля затрымання 3-га ліпеня давялося звярнуцца па дапамогу ў шпіталь! Але справы сваёй ён не кІдае – кажа, лепш ужо памерці ў змаганні – ад лапаў бандытаў у пагонах, чымся ўдома на канапе, гледзячы БТ.
Мікалай Салянік:
«Нельга ж жыць так. Я не быдла, прабачце. І хачу заклікаць усіх беларусаў: не дазваляйце ўладам гэта рабіць. Яны робяць, бо мы ім гэта дазваляем. Не яны вінаватыя, а мы з вамі».
Больш суб’ектыўных навінаў – у выданні «Суб’ектыву».
