Народ можа самастойна даць рады з цяжкасцямі, без вонкавага ўмяшання. Гэтак на падзеі ў Венесуэле адрэагавала беларускае Міністэрства замежных справаў. У ведамстве паведамілі, што беларусы, якія застаюцца ў гэтай лацінаамерыканскай краіне, не пацярпелі. Пра падзеі ў Венесуэле размаўляем з экспертам у нееўрапейскіх цывілізацыях Яўгенам Красуліным:
«Я лічу, што лёс Мадура безумоўна вырашаны, толькі пытанне, калі ён вырашыцца канчаткова. Ён сыдзе, але калі адбудзецца гэтая падзея, дадуць адказ падзеі бліжэйшых дзён. Сітуацыя змянілася з таго, што міжнародная супольнасць выступіла актыўнаю падтрымкай апазіцыі. Той факт, што Трам і лацінаамерыканскія краіны прызналі Гуайда прэзідэнтам Венесуэлы – дае моцную падтрымку апазіцыі і дае шанец, што апазіцыя свайго не ўпусціць, як у 2012 годзе…»
Пазыка Венесуэлы перад Беларуссю складае 113 мільёнаў долараў за пабудаваныя дамы. Сам Каракас абяцаў пагасіць доўг і жалезам, і нават крыптавалютай. Ці варта разлічваць на гэтыя грошы Менску ад новых уладаў? Давайце паслухаем эканаміста Яраслава Раманчука.
