Гарошкаў пад Рэчыцай. Адсюль пайшлі славяне

Існуе шмат гіпотэзаў наконт паходжання славянаў. Засталося толькі знайсці доказы, які пацвердзяць адну і абвергнуць іншыя. Менавіта дзеля гэтага ў Рэчыцкім раёне каля вёскі Гарошкаў вядуцца раскопкі Зарубінецкай археалагічнай культуры.

Вёска Гарошкаў не толькі радзіма паэта Анатоля Сыса. Тут археолагі адкрылі цэлы комплекс помнікаў жалезнага веку – паселішчы і могільнікі некалькіх стагоддзяў як нашай эры, гэтак і да яе пачатку. Гарошкаўскае гарадзішча, якое ў свой час абараніў ад знішчэння паэт Сыс, – класічны помнік Зарубінецкай археалагічнай культуры.

Сёння на пустое, здавалася б, месца на дняпроўскім плато, парослае травой і кустоўем, прыходзяць археолагі і пэндзлямі ды нажамі расчышчаюць пахаванні старажытных людзей, з якіх, магчыма, пачыналася Беларусь.

Як выяўляліся і вывучаліся археалагічныя помнікі ў Гарошкаве? Чым яны адметныя? Што на іх знойдзена, як дапамагло ў вывучэнні жыцця продкаў? Як праводзяцца навуковыя раскопкі старажытнага могільніка? Ці тут месціцца прарадзіма ўсіх славянаў? Пра ўсё гэта на месцы ў Гарошкаве пагавораць доктар гістарычных навук Аляксандр Краўцэвіч і аўтар раскопак супольнай беларуска-расейскай экспедыцыі кандыдат гістарычных навук Аляксандр Драбышэўскі.

Праграма «Загадкі беларускай гісторыі» выходзіць на «Белсаце» кожны панядзелак а 18:45. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.

Больш матэрыялаў

Вусная гісторыя супраць савецкай прапаганды. Праўда простых людзей

Ідэальнае месца для фестываляў сярэднявечнае культуры

Мультыкультурны Менск пачатку ХХ стагоддзя – калыска геніяў

Лёс Анатоля Сыса як адлюстраванне лёсу краіны

Гісторык, які абгрунтаваў права беларусаў на сваю дзяржаву

Яны спрабавалі стварыць новае ВКЛ на пачатку ХХ ст.

Пад знакам паравоза. Як нарадзіліся Баранавічы?

Сакрэт замку Іказнь на Браслаўшчыне