Непаслядоўныя і спрэчныя рашэнні ўладаў Беларусі падчас пандэміі каронавіруса выклікаюць здзіўленне за межамі краіны ды незадаволенасць – унутры. Да чаго прывядзе сітуацыя? Адказы – у «Размове» Віталя Цыганкова і кіраўніка аналітычных праектаў БелаПАН Аляксандра Класкоўскага.
Сёння Лукашэнку не разумеюць нават тыя грамадзяне Беларусі, якія цярпліва ставіліся да ўсіх ягоных папярэдніх рашэнняў.
«Пра першыя смерці Лукашэнка казаў у такім духу, што не там хадзіў чалавек ці шмат важыў, і ўвогуле яны старыя і букет хваробаў. Падтэкст такі, што туды ім і дарога. Вось гэта, я думаю, закранула шмат каго. Якраз асноўны электарат Лукашэнкі – не надта маладыя, не надта здаровыя людзі з тым самым букетам хваробаў. Я думаю, што шмат каго скаланула вось такое цынічнае стаўленне», – выказаўся госць студыі.
Настроі грамадства моцна залежыць ад таго, у якім стане Беларусь выйдзе з пандэміі каронавіруса. Са словаў Аляксандра Класкоўскага, краіну чакае «ідэальны шторм» у палітычнай і эканамічнай сферы.
Хто скарыстаецца з гэтага моманту і ці здолее краіна выплыць пасля хвалі праблемаў, вы даведаецеся з «Размовы» Віталя Цыганкова і кіраўніка аналітычных праектаў БелаПАН Аляксандра Класкоўскага.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
