Дзяржаўныя нормы: 10 г смятаны на дзень

Кожныя чатыры месяцы дзяржава падлічвае кошт спажывецкага кошыка і паводле яго прымае мінімальны спажывецкі бюджэт. Цяпер для пенсіянера такі бюджэт – Br 364,27. Лічыцца, што на іх можна жыць. У спадарыні Таццяны пенсія Br 325. Пасля аплаты ўсіх абавязковых плацяжоў застаецца ўжо Br 180. Калі выкінуць яшчэ Br 50 на лекі, то застанецца 3-4 рублі на дзень на харчаванне.

Калі б ні дзеці, дык не ведае, як жыла б. Бо паводле таго афіцыйнага кошыка ёй мае хапаць 1,5 кг аўсянкі ці каля 6 кг мукі на год. На месяц гэта 125 і 480 г, адпаведна. Мала. Бо блінчыкі, пірагі – гэта тое, што дазваляе жанчыне эканоміць.

Моркву Таццяна нарыхтавала загадзя. Афіцыйная норма для пенсіянераў – крыху больш за 1 кг на месяц. Бульбы 1,7 кг на тыдзень.

Лічыцца, што на дзень пенсіянеру дастаткова чайнай лыжкі смятаны, шклянкі малака, каўбаснага кавалачка вагою 20 г, 20 г кандытарскіх вырабаў – гэта малая шакаладка «Алёнка». Мукі хопіць і 110 г на тыдзень, аўсянкі– 28 г, гэта 2 сталовыя лыжкі.

Акрамя таго спажывецкі кошык улічвае патрэбы ў адзенні, гаспадарчых таварах, у тэхніцы, мэблі.

Напрыклад, адзін халат – на чатыры гады, дзве пары туфляў, дзве спадніцы і блузкі на пяць гадоў.

Спажывецкі кошык разлічваецца так: адмыслоўцы аналізуюць, што рэальна набываюць беларусы розных сацыяльных статусаў. Потым падлічваюць склад кошыка, а пазней адсочваюць кошты на яго. Змяненне коштаў – паказнік інфляцыі. І ад гэтага змянення залежыць, ці будуць расці сацыяльныя выплаты.

Паколькі ад спажывецкага кошыка залежыць павышэнне розных дапамог і пенсіяў, то наіўна чакаць, што ён будзе адлюстроўваць рэальныя патрэбы чалавека. Нават беларускія эксперты ў пытаннях харчавання раяць пенсіянерам з’ядаць за год 58 кг мяса і мясапрадуктаў, а не 43 кг, як разлічана ў кошыку. Ці рыбы – 21 кг, а не 9,5 кг.

«Калі мы возьмем гэты пералік харчоў і дамо канкрэтнаму чалавеку і не дамо яму доступу да іншых крыніцаў, то ён застанецца галодным», – упэўненая дыетолаг, тэхнолаг харчавання Марына Бандаровіч.

Пералік абсалютна не збалансаваны. Уразіла, што пенсіянерам прапаноўваюць усяго 2,4 кг садавіны штомесяц. Норма большасці крупаў усяго толькі 1–1,5 кг на год. А 150-грамовы кавалачак сыру на месяц увогуле выглядае як здзек.

Сцвярджаецца, што спажывецкі кошык забяспечвае 2140 калорыяў для пенсіянера, а для працаздольных мужчынаў – 3000. Апошні раз кошык пераглядаўся ў 2015 годзе. І ёсць спадзеў, што ў наступным годзе яго перагледзяць зноў.

Таксама ў праграме «Асабісты капітал»:

  • Агітуюць за беларускі рубель – а грошы ўкладваюць у амерыканскі долар
  • Два штрафы за адно ДТЗ і заблакаваныя ў аўта рэчы:
    сюрпрызы каршэрынгу
  • Ці варта пераязжаць у гарады-спадарожнікі?

Глядзіце праграму «Асабісты капітал» кожны панядзелак а 19:00 на тэлеканале «Белсат», а таксама онлайн на нашым сайце. Далучайцеся да нашых старонак ў Facebook ды Одноклассниках. Падпісвайцеся на нашурассылку і раз на месяц вы будзеце атрымліваць ліст з чатырма найбольш карыснымі сюжэтамі «Асабістага капіталу».

Больш матэрыялаў

Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах

Медыцына не для ўсіх. Дзе і хто лечыць чыноўнікаў?

Крызіс на парозе. Як уратаваць свае ашчаджэнні?

Не грэчкай адзінай. Чым трэба закупіцца на выпадак каранціну?