Расейскае Міністэрства культуры хоча разабрацца з «фальсіфікацыяй гісторыі» ў Беларусі. Гэта адкрыццё новага фронту ў інфармацыйнай вайне ці проста жаданне разабрацца ў гістарычнай спадчыне? Гісторык Зміцер Дрозд у «Размове» Святланы Калінкінай тлумачыць, чаго ад гэтага чакаць беларусам.
Пакуль у падзеле газу і нафты наступіла зацішша, справы дашлі да падзелу агульнай гісторыі. Прыўладны гісторык Ігар Марзалюк заклікае вярнуць каштоўнасці, што захоўваюцца ў Расеі, а расейскае Міністэрства культуры плануе ў Беларусі шэраг мерапрыемстваў, скіраваных супраць «фальсіфікацыяў гісторыі». Што гэта – палітыка ці даследванні?
«Думаю, гэта перш за ўсё палітыка, – мяркуе гісторык Зміцер Дрозд. – Гісторыя – тая ж палітыка, проста іншымі сродкамі».
Паводле госця праграмы, у расейскіх гісторыкаў ёсць усе падставы, каб быць не задаволенымі беларускай версіяй агульнай гісторыі. Падзелы Рэчы Паспалітай для расейцаў былі «вызваленнем брацкага народу», для беларусаў жа – акупацыяй. І сёння будзе прыкладацца максімум высілкаў, каб расейская пазіцыя дамінавала і ў беларускай гістарыяграфіі.
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
Праграма «Размова» выходзіць на «Белсаце» з панядзелка да чацвярга а 21:20. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
А таксама падпісвайцеся на «Размову» ў Facebook, ВКонтакте, «Одноклассниках», Twitter, Instagram і Telegram.
На ілюстрацыі – калаж з фота: pxhere.com, wikipedia.org, Вольга Шукайла / TUT.BY