Час, калі кіроўцы таксі маглі самастойна выбіраць пасажыраў і маршруты, даўно мінуў. Сёння беларускія таксісты падзяліліся на два лагеры: «традыцыйныя» таксісты скардзяцца на канкурэнцыю з боку «нетрадыцыйных» службаў, якім не патрэбныя таксометры, спецыяльная аклейка ды іншыя атрыбуты. Але галоўны прадмет спрэчак – тарыфы. Прычым на іх скардзяцца ўсе таксісты.
«Тарыфы ўпалі, паліва даражэе, расходы растуць, а прыбыткі – не. Паводле маіх звестак – з таго, што мне распавядалі, – каб зарабіць хаця б 800 рублёў, трэба працаваць нашмат больш, чым дапушчальныя паводле Працоўнага кодэксу 8 гадзінаў. Яны працуюць і 12, і 14, і 16, і нават 18 гадзінаў», – патлумачыў Павел Мурашка.
- Ці чакаць нас перакрытыя раз’юшанымі таксістамі вуліцы?
- Ці напраўду «Яндэкс-таксі» часцей за іншых трапляюць у аварыі?
- Колькі кіроўцаў працуюць з парушэннямі ці ўвогуле без правоў кіроўцы?
Адказы ў «Размове» са Святланай Калінкінай і журналістам Паўлам Мурашкам.
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
