Элі Мубэнга прыехаў у Наваполацк з афрыканскай Дэмакратычнай Рэспублікі Конга, каб вывучаць расейскую мову. Хлопец размаўляе на сямі мовах свету, захапляецца беларускімі кветкамі ды прыгожа спявае.
Ад сяброў хлопец даведаўся пра беларускую лазню і захапіўся ідэяй яе наведаць. Але трапіць у гарадскую лазню не ўдалося.
Даведаўшыся, што ў Элі неўзабаве дзень народзінаў, здымачная група праграмы «Welcome ў Беларусь» вырашыла зрабіць яму падарунак і выправілася разам з ім за 200 кіламетраў на Вілейскае вадасховішча, дзе акурат праходзіў фэст мабільных лазняў.
Як працуе мабільная лазня ў лесе? Як госць з Афрыкі вытрываў парыльню? Чаму адзін з прафесійных лазеннікаў цудоўна размаўляў з Элі па-французску – глядзіце ў наступным выданні праграмы «Welcome ў Беларусь» (відэа вышэй).
Праграма «Welcome ў Беларусь» выходзіць кожную нядзелю а 20:35. Глядзіце праз спадарожнік «Астра 4A» (ранейшая назва «Sirius 4»), онлайн,на YouTube-канале «Белсат без палітыкі» і на нашай старонцы.
