Прафесар Аляксандр Краўцэвіч запрашае ў поўнае загадак і разгадак падарожжа ў прасторы і ў часе з ягонай праграмай «Загадкі беларускай гісторыі». Выбітны беларускі даследчык гісторыі Вялікага княства Літоўскага, археолаг падарожнічае па мясцінах, якія захоўваюць таямніцы нашай мінуўшчыны, каб падзяліцца сваймі ведамі з намі. «Прафесар Краўцэвіч на месцы гістарычных падзеяў сустракаецца з гісторыкамі, археолагамі, краязнаўцамі, каб разам шукаць развязання загадкі», – дадае аўтар канцэпцыі «Загадак беларускай гісторыі» Сяргей Пеляса, рэдактар гістарычных праграмаў «Белсату». «Загадкі беларускай гісторыі» выходзяць на «Белсаце» ад лета 2015 г. Прэм'ера новай серыі ад верасня да канца траўня кожны панядзелак. У летнія вакацыі 2019 г. «Белсат» паўтарае «Загадкі» штодзённа ў рабочыя дні а 19:40. Онлайн «Белсат» можна глядзець тут. Заходзьце на Facebook праграмы.