Лічыце, што беларусам вечна не шанцуе, што літоўцы прысвоілі сабе ВКЛ, а палякі – Рэч Паспалітую? Ніколі не даруеце гвалтоўнай русіфікацыі? Тады праграма «Intermarium» – для вас. Абмяркоўваць балючыя гістарычныя тэмы ў студыі будуць гісторыкі з розных краінаў. Размаўляючы пра нашае мінулае спакойна і шчыра, мы не дазволім гэтаму багажу цягнуць нас назад і, цалкам магчыма, не паўторым памылак мінулага. І не дазволім, каб аднойчы нашыя нядобразычліўцы адчынілі скрыню Пандоры.