У сваёй аўтарскай праграме «54 %» Каця Барушка і Аліна Коўшык імкнуцца паказаць свет вачыма жанчын – тых самых 54 адсоткаў беларускага грамадства. Праз прызму рэальных жаночых гісторыяў гэтак званыя «нежаночыя» справы робяцца істотнымі, важнымі для кожнай, а тыя нібы «чыста жаночыя» праблемы набываюць значэнне для ўсёй краіны. Навошта гэткая ўвага? Бо толькі ў разнастайнасці меркаванняў і поглядаў можна будаваць паспяховае грамадства, уважлівае да патрэбаў кожнай асобы.