Злучаныя Штаты Амерыкі разглядаюць магчымасць накласці санкцыі на Турцыю ўжо ў панядзелак, 14 кастрычніка. Пра гэта паведамляе «Bloomberg» са спасылкаю на свае крыніцы.
Санкцыі маюць быць уведзеныя ў адказ на ўварванне турэцкіх войскаў у Сірыю і на паведамленні аб актах жорсткасці ў дачыненні да сірыйскіх курдаў.
Разглядаецца варыянт як накласці персанальныя абмежаванні на шырокае кола прадстаўнікоў турэцкіх уладаў, гэтак і на пастаўкі і транзакцыі для турэцкага войска.
На мінулым тыдні Турцыя распачала вайсковую аперацыю супраць курдаў у Сірыі. Анкара мае намер адцясніць ад мяжы апалчэнні, якія былі саюзнікамі ЗША ў барацьбе з «Ісламскай дзяржавай».
МГ belsat.eu