Белы дом. Фота – старонка амбасады ЗША ў Беларусі ў «Фэйсбуку»
Амбасада Злучаных Штатаў Амерыкі ў Беларусі адрэагавала ў «Фэйсбуку», «Інстаграме» і «Тўітэры» на заяву Аляксандра Лукашэнкі пра Менск як сталіцу ЗША пытаннем, якія славутасці ЗША можна было б перанесці ў Менск: мемарыял Лінкальна, Капітолій, мемарыял Джорджа Вашынгтона, Белы дом, Смітсонаўскі інстытут, Аэракасмічны музей або манумент генералу Касцюшку.
Аўтары старонак пасольства ў сацыяльных сетках прапанавалі таксама пакідаць у каментарах свае уласныя прапановы.
«Дзіўна, але як раз-такі ўсе гэтыя славутасці ідэальна ўпісваюцца ў стыль Менску», – адказала карыстальніца «missdariab».
Іншыя інтэрнаўты прапануюць перанесці Пентагон.
Гістарычны манумент Тадэвушу Касцюшку ў Вашынгтоне. Фота –
старонка амбасады ЗША ў Беларусі ў «Фэйсбуку»
старонка амбасады ЗША ў Беларусі ў «Фэйсбуку»
«Белсату» пакуль не ўдалося атрымаць каментар амабасады ў справе прапановы кіраўніка Беларусі.
- Аляксандр Лукашэнка, вітаючы 9 верасня ўдзельнікаў лёгкаатлетычнага матчу Еўропа – ЗША, паабяцаў, што праз два гады Менск стане сталіцай ЗША.
ДД belsat.eu
