Амбасада Злучаных Штатаў Амерыкі ў Беларусі адрэагавала ў «Фэйсбуку», «Інстаграме» і «Тўітэры» на заяву Аляксандра Лукашэнкі пра Менск як сталіцу ЗША пытаннем, якія славутасці ЗША можна было б перанесці ў Менск: мемарыял Лінкальна, Капітолій, мемарыял Джорджа Вашынгтона, Белы дом, Смітсонаўскі інстытут, Аэракасмічны музей або манумент генералу Касцюшку.
Аўтары старонак пасольства ў сацыяльных сетках прапанавалі таксама пакідаць у каментарах свае уласныя прапановы.
«Дзіўна, але як раз-такі ўсе гэтыя славутасці ідэальна ўпісваюцца ў стыль Менску», – адказала карыстальніца «missdariab».
Іншыя інтэрнаўты прапануюць перанесці Пентагон.
«Белсату» пакуль не ўдалося атрымаць каментар амабасады ў справе прапановы кіраўніка Беларусі.
ДД belsat.eu