ЗША 26 сакавіка выйшлі на першае месца ў свеце па колькасці пацверджаных выпадкаў заражэння COVID-19. Пра гэта сведчаць дадзеныя ўніверсітэту Джонса Хопкінса.
На момант напісання навіны ў ЗША зафіксавана 82 404 выпадкі заражэння COVID-19. 1178 заражаных памерлі, 619 вылечыліся.
Кітай, які з пачатку эпідэміі быў лідарам па ліку выпадкаў каронавірусу, апусціўся на другое месца. Там на COVID-19 захварэлі 81 782 чалавек, памерлі 3291 чалавек, выздаравелі 74 181 чалавек.
Італія знаходзіцца на трэцім месцы па захворванні і на першым – па колькасці смерцяў. У гэтай краіне каронавірусам заразіліся 80 589 чалавек, памерлі 8215 чалавек, выздаравелі 10 361 чалавек.
Агульная колькасць інфікаваных на каронавірус у свеце перавысіла 500 тысяч чалавек.
ІІ belsat.eu
