На месцы дарожна-транспартнага здарэння ў Бярозаўскім раёне знайшлі цела пятай ахвяры – дзевяцігадовай дзяўчынкі. Пра гэта паведаміла ў сваім тэлеграм-канале прэс-сакратар Міністэрства ўнутраных справаў Вольга Чамаданава.
Раней было вядома, што ў аварыі загінулі дзяўчынка чатырох гадоў, дзевяцігадовы хлопчык, а таксама дарослыя мужчына і жанчына.
Агулам у аўтамабілі «Mercedes GL», насуперак правілам, знаходзілася дзесяць чалавек: пяцёра мужчынаў, дзве жанчыны і трое дзяцей.
Кіроўца 1988 года нараджэння быў п’яны. 10 гадоў таму яго ўжо пазбаўлялі правоў за кіраванне машынай у стане алкагольнага ап’янення.
МГ belsat.eu