Хваля затрыманняў дайшла і да Берасця. Пра гэта ў каментары belsat.eu распавёў праваабаронца Раман Кісляк.
«З раніцы фактычна ідзе хапун. Людзей затрымліваюць. Паводле папярэдняй інфармацыі, ужо прынамсі затрыманыя чатыры чалавекі. Я думаю, што іх будуць трымаць, у суд даставяць толькі ў панядзелак у суд», – заявіў суразмоўца.
На яго думку, затрыманні могуць быць звязаныя са страхамі ўладаў таго, што людзі могуць выйсці на пратэст 9 траўня, або на традыцыйную ў нядзелю 10 траўня.
Сярод затрыманых, Уладзімір Мароз, Канстанцін Астапук, Дзяніс Малышэнка і Юрый Калько. Апошняму пры затрыманні, паводле словаў відавочцаў, зламалі палец.
Таксама міліцыянты ўварваліся ў кватэру Віталя Казака, але яго не было ўдома. Таксама спрабавалі затрымаць Ірыну Сяліцкую, але няўдала.
Затрыманні пачаліся 6 траўня. Першым затрыманым стаў відэаблогер Сяргей Ціханоўскі. Затым хваля рэпрэсіяў таксама закранула Глыбокае, Гомель, Горадню, Ліду, Магілёў.
МГ belsat.eu
