З Паўночнай Македоніі экстрадавалі беларуса, які знаходзіўся ў вышуку па лініі Інтэрполу больш за дзесяць гадоў. Мужчына абвінавачваецца ў набыцці на тэрыторыі Беларусі і Польшчы амфетаміну, а таксама яго захоўванні, продажы і кантрабандзе. Пра гэта паведамляе прэс-служба МУС Беларусі.
Праваахоўнікі адзначаюць, што хаваючыся ад крымінальнага пераследу на тэрыторыі замежных дзяржаваў, беларус змяніў анкетныя дадзеныя, выкарыстаў падроблены пашпарт грамадзяніна Расейскай Федэрацыі, атрымаў грамадзянства Швецыі.
Гандляра наркотыкамі знайшлі ў Паўночнай Македоніі, у ліпені яго затрымалі мясцовыя сілавікі. Суд прыняў рашэнне аб ягонай экстрадыцыі ў Беларусь.
Беларусу пагражае да 15 гадоў зняволення.
ІІ belsat.eu