Новыя памеры бюджэту пражыткавага мінімуму (БПМ) у сярэднім на душу насельніцтва і па асноўных сацыяльна-дэмаграфічных групах зацверджаны на перыяд з 1 жніўня па 31 кастрычніка 2019 году пастановай Міністэрства працы і сацыяльнай абароны, інфармуе Нацыянальны прававы інтэрнэт-партал Рэспублікі Беларусь.
Такім чынам БПМ у сярэднім на душу насельніцтва вырасце да 230,91 рублёў (з 1 траўня па 31 ліпеня БМП – 224,02 рублі).
Прапарцыйна росту БПМ зменяцца памеры мінімальных працоўных і сацыяльных пенсіяў, а таксама надбаўкі і розныя дапамогі.
Пастанова ўступае ў сілу пасля афіцыйнага апублікавання.
Бюджэт пражыткавага мінімуму з’яўляецца сацыяльным нарматывам, які прызначаны для аналізу і прагназавання ўзроўню жыцця насельніцтва.
Паводле Саўміну 230 рублёў і 91 капейка дастаткова, каб пражыць месяц, а выдаткі размяркоўваюцца на наступныя патрэбы такім чынам:
- прадукты харчавання 58,4 %
- прадметы гардэробу 17,1 %
- плата за карыстанне жылым памяшканнем і камунальныя паслугі 9,0 %
- бытавыя і транспартныя паслугі 4,6 %
- тавары бытавога і гаспадарчага прызначэння 4,5 %
- узносы і плацяжы 4,1 %
- прадметы першай неабходнасці, санітарыі, лекі 2,3 %
СК belsat.eu
