Ядравае паліва на Беларускую АЭС будзе завезена яшчэ сёлета, заявіў міністр энергетыкі Віктар Каранкевіч. А запуск першага энергаблока электрастанцыі перанесены з восені бягучага года на студзень наступнага, паведамляе interfax.
«Завоз паліва плануецца ў гэтым годзе. І ўсе неабходныя мерапрыемствы па ім праводзяцца ў штатным рэжыме», – сказаў міністр энергетыкі Віктар Каранкевіч.
Раней афіцыйна агучвалася, што гатовасць першага энергаблоку складае больш за 95 %. Працы на другім энергаблоку завершаныя на 70 %. Зрэшты, падобныя лічбы агучваліся яшчэ ў верасні генеральным дырэктарам расейскай дзяржаўнай карпарацыі ў атамнай энергіі «Росатом» Аляксеем Ліхачовым. Але заявы выклікалі крытыку не толькі з боку эколагаў і экспертаў, але і з боку прэм’ер-міністра краіны Сяргея Румаса.
Зрэшты пра гатовасць электрастанцыі сведчыць і намер пра фізічны пуск БелАЭС, які перанесены на пачатак наступнага года.
СК belsat.eu
