Падчас з’езду ПЭН-цэнтру ў Менску 26 кастрычніка ўручылі прэміі імя Алеся Адамовіча за публіцыстыку. Лаўрэатамі ўзнагароды сталі Вячаслаў Ракіцкі і Наста Захарэвіч.
Прэмію ўручылі Уладзімер Арлоў і дачка Алеся Адамовіча Наталля.
Вячаслаў Ракіцкі ўганараваны за цыкл дакументальных фільмаў «Сведкі» на тэлеканале «Белсат».
Вялікі дзякуй ПЭН-цэнтру за ўзнагароду, атрымаць якую для мяне вялікі гонар! Дзякую кіраўніцтву Белсату Agnieszka…
Opublikowany przez Rakitskiego Slavę Sobota, 26 października 2019
«Вялікі дзякуй ПЭН-цэнтру за ўзнагароду, атрымаць якую для мяне вялікі гонар! Дзякую кіраўніцтву «Белсату» Агнешцы Рамашэўскай і Бэаце Красіцкай, майму рэдактару Ярославу Каменскаму, усёй здымачнай групе і ўсім сведкам за магчымасць рэалізацыі высокаацэненага праекту», – заявіў у «Facebook’у» Вячаслаў Ракіцкі.
Наста Захарэвіч была адзначаная за цыкл публікацый на сайце радыё «Свабода» і асвятленне праблемаў, звязаных з гвалтам і дыскрымінацыяй.
Прэмія імя Алеся Адамовіча была заснаваная ў 1995 годзе за публіцыстыку.
МГ belsat.eu