На пасаду першага віцэ-прэзідэнта Нацыянальнага алімпійскага камітэту абраны Віктар Лукашэнка. Ягоную кандыдатуру 19 лістапада падтрымалі ўдзельнікі Алімпійскага сходу, інфармуе БелТА.
Паводле Аляксандра Лукашэнкі, ён пакуль не вырашыў, ці будзе ягоны сын сумяшчаць пасаду першага віцэ-прэзідэнта НАК і памочніка кіраўніка Беларусі ў нацыянальнай бяспецы. Сам жа ён сумяшчае кіраванне і камітэтам, і краінай.
Віцэ-прэзідэнтам НАК абраны намеснік старшыні Беларускай асацыяцыі каноэ Дзмітрый Даўгалёнак.
Віктар Лукашэнка з’яўляецца старэйшым сынам кіраўніка Беларусі. Яму 44 гады. З 2005 года ён з’яўляецца памочнікам свайго бацькі ў нацыянальнай бяспецы, з 2007 года – чальцом Савету бяспекі.
МГ belsat.eu