Пасля праверкі ў яго засталося толькі 75 тысячаў подпісаў, гаворыцца на афіцыйнай старонцы ЦВК.
Валерый Цапкала не будзе далей удзельнічаць у прэзідэнцкай гонцы. Паводле інфармацыі, апублікаванай сёння на старонцы ЦВК, пасля праверак у яго засталося толькі 75 тысячаў подпісаў. Агулам ён здаў 160 тысячаў – больш за палову яму не залічылі.
Хто, паводле ЦВК, здолеў у выніку набраць неабходныя 100 тысячаў подпісаў?
- Аляксандр Лукашэнка (1 939 572 подпісаў)
- Віктар Бабарыка (165 744 подпісы)
- Сяргей Чэрачэнь (143 109 подпісаў)
- Ганна Канапацкая (146 588 подпісаў)
- Андрэй Дзмітрыеў (106 841 подпіс)
- Святлана Ціханоўская (104 757 подпісаў)
Цікава, што ў некаторых кандыдатаў пасля праверкі стала болей подпісаў. Так, Сяргей Чэрачэнь на сваёй старонцы паведамляў аб 106 тысячах сабраных подпісаў, аднак у выніку ў яго апынулася 143 109.
Падобная сітуацыя і ў Ганны Канапацкай: яна заяўляла, што сабрала 110 тысячаў подпісаў, але пасля праверкі ЦВК іх стала на 36 тысячаў болей.
У той жа час учора, 29 чэрвеня, масава не залічваліся подпісы, сабраныя за Віктара Бабарыку і Валерыя Цапкалу. Часам камісіі маглі забракаваць усе подпісы з некага раёну.
КТ belsat.eu
