Крысціна Кук і Джэсіка Мэір сталі першымі жанчынамі, якія выйшлі ўдвох у адкрыты космас. Астранаўткі з ЗША знаходзяцца на Міжнароднай касмічнай станцыі і мусяць замяніць энергаблокі карабля, паведамляе Нацыянальнае ўпраўленне ЗША па аэранаўтыцы і даследаванню касмічнай прасторы (NASA).
Жанчыны прабудуць у адкрытым космасе больш за пяць гадзінаў. За гэты час яны заменяць батарэі, якія перасталі працаваць. У NASA адзначаюць, што няспраўнасць блокаў не ўплывае на бяспеку касмічнай станцыі.
At 7:38am ET, our #AllWomanSpacewalk officially started as @Astro_Christina & @Astro_Jessica set their spacesuits to battery power, marking the beginning of their 5.5 hour excursion outside of the @Space_Station to replace a failed power controller. Watch: https://t.co/2SIb9YXlRh
— NASA (@NASA) October 18, 2019
Першай жанчынай, якая выйшла ў адкрыты космас стала Святлана Савіцкая ў 1984 годзе. Яе напарнікам быў Уладзімір Джанібекаў. За ўвесь час у адкрыты космас жанчыны выходзілі 14 разоў. Але раней яны рабілі гэта выключна ў пары з мужчынамі. Сёння ж упершыню толькі жанчыны выйшлі ў касмічную прастору.
СК belsat.eu