У сувязі з санітарна-эпідэміялагічнай сітуацыяй Федэрацыя прафсаюзаў Беларусі прыняла рашэнне не адзначаць Дзень працы у традыцыйнай форме. Святкаванне пераносіцца ў онлайн-фармат.
Сёлета ў Беларусі не будзе традыцыйных шэсцяў на Дзень працы. Прафсаюз зладзіць онлайн-канцэрты, тэматычныя фотаконкурсы і фотавыставы.
У Берасці на першага траўня створаны адмысловы праект «ПервомайОнлайнБрест». Дыстанцыйна адзначаць свята на Гарадзеншчыне, Меншчыне, Магілёўшчыне, Гомельшчыне і Віцебшчыне, што абумоўлена імкненнем захаваць здароўе працоўных у сувязі з неспрыяльнай эпідэміялагічнай сітуацыяй.
«Мы вырашылі распавесці пра нашыя дасягненні і павіншаваць усіх са Святам працы праз сродкі масавай інфармацыі», – растлумачыў старшыня Віцебскага абласнога аб’яднання прафсаюзаў Іван Вазміцель.
Раней мясцовыя ўлады ў Баранавічах і Магілёве вырашылі адмовіцца ад масавых забаўляльных імпрэзаў першага траўня.
СК belsat.eu
