Міністэрства архітэктуры і будаўніцтва зацвердзіла інструкцыю, якім чынам датэрмінова можна выкарыстоўваць сямейны капітал для паляпшэння жыллёвых умоваў. Дакумент апублікаваны на Нацыянальным прававым інтэрнэт-партале
Згодна з пастановай Мінархітэктуры і будаўніцтва, сямейны капітал можна выкарыстоўваць датэрмінова незалежна ад даты яго прызначэння цалкам або па часткамі на наступныя мэты:
- будаўніцтва (рэканструкцыя) жылога памяшкання ў складзе арганізацыі забудоўнікаў;
- будаўніцтва (рэканструкцыя) жылога памяшкання на падставе дамовы стварэння аб’екта долевага будаўніцтва;
- будаўніцтва (рэканструкцыя) аднакватэрнага жылога дома, кватэры ў блакаваным жылым доме гаспадарчым або падрадным спосабам;
- набыццё жылога памяшкання, у тым ліку жылога памяшкання, будаўніцтва якога ажыццяўлялася па дзяржаўнай замове;
- пагашэнне запазычанасці па крэдыту, у тым ліку ільготным, выдзеленаму на будаўніцтва (рэканструкцыю) або набыццё жылога памяшкання, і выплату адсоткаў за карыстанне ім.
Пасля таго як дзіцяці споўніцца 18 гадоў, гэтыя грошы акрамя вышэйпералічаных мэтаў таксама можна будзе выкарыстоўваць на:
- капітальны рамонт і рэканструкцыю жылога памяшкання, будаўніцтва інжынерных сетак, узвядзенне гаспадарчых памяшканняў і пабудоваў;
- пагашэнне запазычанасці па крэдыту, у тым ліку ільготным, прадстаўленаму на капітальны
- рамонт жылога памяшкання, і выплату адсоткаў за карыстанне ім;
- пагашэнне пазыкі, выдзеленай арганізацыяй на будаўніцтва (рэканструкцыю) або набыццё жылога памяшкання, і выплату адсоткаў за карыстанне ім.
Сямейны капітал можна выкарыстоўваць толькі ў безнаяўнай форме. Каб зрабіць гэта датэрмінова, трэба звярнуцца ў «Беларусбанк», з заявай аб датэрміновым распараджэнні капіталам і адпаведнымі дакументамі. Пасля гэтага банк пералічыць сямейны капітал на рахункі адпаведных юрыдычных або фізічных асобаў, у тым ліку ІП.
Але існуюць абмежаванні. Сума не можа быць большай, чым абазначана ў дакументах (напрыклад, кошт будаўніцтва, кошт капітальнага рамонту, запазычанасць па крэдыту і гэтак далей).
Паводле звестак Мінпрацы, па стане на 1 снежня мінулага года ў Беларусі аформілі 76 871 дэпазітны рахунак на сямейны капітал на агульную суму 768,71 мільёнаў долараў ЗША.
З 1 студзеня 2020 года праграма сямейнага капіталу змянілі. Цяпер пры нараджэнні або ўсынаўленні трэцяга (або наступнага) дзіцяці сем’і будуць атрымліваць Br 22,5 тыс. рублёў субсідыі (раней яна выплачвалася ў доларах). Выкарыстоўваць гэтыя сродкі цяпер можна будзе датэрмінова, не чакаючы паўналецця дзіцяці, але толькі на адпаведную нагоду – напрыклад, лекаванне, неабходнасць аплаты адукацыі або паляпшэння жыллёвых умоў, і распараджэнне ад мясцовага выканаўчага органа ўлады.
СК belsat.eu
