Праз каронавірус улады Чачэніі абмежавалі перамяшчэнне грамадзянаў рэспублікі і зачынілі ўезд у Грозны. Пра гэта паведаміў старшыня парламенту Магамэд Дауд у сваім Instagram.
Кіраўніцтва Чачэніі прыняло рашэнне аб увядзенні абмежавальных захадаў у сувязі з каронавірусам.
«Жыхары Рэспублікі ні ў якім разе не павінны выязджаць за межы месцаў свайго сталага пражывання. Часова абмяжоўваецца ўезд у горад Грозны для ўсіх, акрамя жыхароў сталіцы, працаўнікоў арганізацыяў, якія выконваюць неадкладныя працы ва ўмовах надзвычайных абставінаў», – адзначыў у сваім Instagram старшыня парламента Магамэд Дауд.
Адзначаецца, што праваахоўныя органы будуць ажыццяўляць жорсткі кантроль за выкананнем грамадзянамі гэтых прадпісанняў.
У Расеі, паводле афіцыйных падлікаў, 1264 інфікаваных на каронавірус асобаў, 49 з іх ачунялі і 7 памерлі.
СК belsat.eu