Мінэнерга пачынае грамадскае абмеркаванне дакладу па экалагічнай ацэнцы праекта Стратэгіі абыходжання з адпрацаваным ядравым палівам БелАЭС.
У Беларусі з 17 снежня 2018 па 15 студзеня 2019 будуць праводзіцца грамадскія абмеркаванні Экалагічнага дакладу па стратэгічнай экалагічнай ацэнцы праекта Стратэгіі абыходжання з адпрацаваным ядравым палівам Беларускай атамнай электрастанцыі, падрыхтаваным Дзяржаўным навуковай установай «АІЭЯІ-Сосны» сумесна з зацікаўленымі дзяржаўнымі структурамі. Пра гэта паведамляе «Зялёны партал» са спасылкай на sb.by.
Азнаёміцца з праграмай абмеркаванняў і зместам гэтага дакладу можна на афіцыйным сайце Міністэрства энергетыкі ў падраздзеле «грамадскія абмеркаванні« у раздзеле «Ядзерная энергетыка», а таксама на сайце Менгарвыканкаму і абласных выканкамаў.
Заўвагі і прапановы па дакладзе грамадзяне могуць накіраваць у перыяд з 17 снежня па 15 студзеня ўключна ў Інфармацыйны цэнтр дзяржаўнага прадпрыемства «Беларуская АЭС» па электроннай пошце belaes@belaes.by. Туды ж трэба звяртацца, каб атрымаць дазвол на збор грамадскасці для супольнага абмеркавання.
***
Беларуская АЭС, сумесны з Расеяй праект уладаў, будуецца ў Астраўцы. Яе плануюць цалкам увесці ў эксплуатацыю ўлетку 2020 года. Будаўніцтва АЭС неаднаразова крытыкавалі польскія і літоўскія дыпламаты праз небяспеку, якую можа ўяўляць станцыя для суседніх з Беларуссю краінаў.
КА, belsat.eu
