Як паведамляе TUT.by, у Віцебску памерла 41-гадовая медсястра абласной клінічнай лякарні Надзея Ф. У яе была пнеўманія і каронавірус.
Надзея Ф. працавала медсястрой у аддзяленні мікрахірургіі вока абласной клінічнай лякарні, ёй быў 41 год. Паводле калегаў жанчыны, Надзея захварэла яшчэ ў сакавіку, паўтары тыдня знаходзілася на апараце штучнай вентыляцыі лёгкіх. У яе двойчы бралі аналізы на каронавірус і вынік быў станоўчы.
Медсястра памерла 16 красавіка ў рэанімацыі лякарні хуткай медычнай дапамогі.
Гэта як мінімум трэці беларускі медык, які памёр ад каронавіруса. У Віцебску 3 красавіка памерла 47-гадовая медсястра Святлана К. У Барысаве 8 красавіка сышоў з жыцця 50-гадовы фельчар «хуткай дапамогі» Васіль Л.
Паводле Міністэрства аховы здароўя, на 16 красавіка ў краіне 419 медыкаў былі інфікаваныя COVID-19.
ІІ belsat.eu
