Вечар памяці Алеся Чаркашына пройдзе 28 жніўня ў Беларускім доме ў Варшаве. Пачатак а 18:00.
У праграме – паказ фільму «Белсату» «Алесь Чаркашын – Не здавайся!»
Фільм прэзентуе аўтар стужкі, рэжысёр Антось Цялежнікаў, які шматразова сам быў на фронце ва Украіне ў якасці дакументаліста і рэпарцёра.
Падчас вечара памяці можна будзе ахвяраваць сродкі на помнік Алесю.
Алесь Чаркашын — удзельнік трох Плошчаў: 2001, 2006 і 2010 гадоў. Акрамя таго ён бараніў народны мемарыял «Курапаты» падчас пашырэння Менскай колавай аўтадарогі ў 2001-м, браў удзел у арганізацыях «Край» і «Зубр». Пазней далучыўся да дзейнасці «Беларускай хрысціянскай дэмакратыі».
Ён быў байцом тактычнай групы «Беларусь», далучыўся да добраахвотніцкага атраду «Правага Сектару» амаль з самога пачатку баявых дзеянняў на Данбасе. Ва Украіне ён вучыўся ў Біблейскім інстытуце ў Херсоне. На вайне ж стаўся капеланам добраахвотнікаў.
- У Берасці Алесю Чаркашыну ўсталявалі помнік
- Алесь Чаркашын пасмяротна атрымаў медаль ад украінскай царквы
- Рэжысёр Антось Цялежнікаў: Здымаючы рэпартаж пра Алеся Чаркашына, адкрыў пра яго шмат новага + рэпартаж
ДР belsat.eu
