Раніцай 6 чэрвеня, калі на адной з вуліц гораду экіпаж ДАІ спыніў матацыкл з каляскай, кіроўца без пасведчання аказаў супраціў міліцыянтам.
Пра гэта паведамляе тэлеграм-канал прэс-службы МУС.
Матацыклам кіраваў 42-гадовы мясцовы жыхар, які паведаміў інспектару, што забыўся ўзяць з сабой пасведчанне кіроўцы. Аднак высветлілася, што мужчына падмануў інспектараў – чалавека з названымі дадзенымі не існавала ў базе. Для высвятлення асобы кіроўцы было прапанавана прайсці ў РАУС, але ён кінуўся бегчы.
Падчас пераследу правапарушальнік пералез праз плот, але там яго нагнаў адзін з інспектараў. Пры затрыманні матацыкліст аказаў супраціў і зламаў міліцыянту руку.
У выніку ўцекача затрымалі, выклікаўшы падмацаванне. Высветлілася, што ў 2018 годзе мужчына здзейсніў ДТЗ і схаваўся, за што і быў пазбаўлены права кіравання транспартнымі сродкамі на два гады. Тэрмін пакарання павінен быў скончыцца гэтай восенню.
Яго змясцілі ў ІЧУ, распачатая крымінальная справа за гвалт у дачыненні да працаўніка органаў унутраных спраў і складзены адміністратыўны пратакол за кіраванне транспартным сродкам асобай, якая не мае такога права.
КА belsat.eu
