На будаўнічай пляцоўцы па вуліцы Аэрадромнай у сталіцы знайшлі авіяцыйную бомбу. Небяспечны снарад выкапаў экскаватар.
На месца прыбылі нарад патрульна-паставой службы і следча-аператыўная група Кастрычніцкага РУУС Менску, якія ачапілі раён і эвакуявалі будаўнікоў, паведамляе прэс-служба МУС.
Ужо праз паўгадзіны сапёрна-піратэхнічная група выбуховатэхнічнага цэнтру ўнутраных войскаў МУС агучыла, што знаходка з’яўляецца фугаснай авіяцыйнай бомбай савецкай вытворчасці калібрам 100 кілаграмаў з выбухоўнікам ФАБ-100.
Сапёры агледзелі прылеглую тэрыторыю, але болей выбухованебяспечных прадметаў не выявілі, а авіябомбу пагрузілі ў спецаўтамабіль. У суправаджэнні экіпажа ДАІ яе транспартавалі за межы Менску на падрыўную пляцоўку для знішчэння.
СК, belsat.eu
