У Краснаярскім краі супраць трох 14-гадовых падлеткаў распачалі крымінальную справу аб тэрарызме.
Пра гэта паведамляецца на сайце рэгіянальнага аддзялення Следчага камітэту Расеі.
Паводле версіі следства, падлеткі «анархісцкіх поглядаў» чыталі пэўную забароненую літаратуру і глядзелі фільмы з урокамі выраблення выбухоўкі. Пазней яны нібыта трэніраваліся ў закінутым доме, на пустэчах і будоўлях.
Справа распачатая паводле артыкулу 205.3 КК РФ (праходжанне навучання з мэтай ажыццяўлення тэрарыстычнай дзейнасці). Імёны падазраваных не называюцца.
Максімальная санкцыя, якая ім пагражае, прадугледжвае пажыццёвае пазбаўленне волі. Мінімальны тэрмін зняволення па гэтым артыкуле – 15 гадоў.
КА belsat.eu