У Маскоўскай вобласці РФ двое чалавек сталі ахвярамі масавай бойкі паміж будаўнікамі з Беларусі. Пра гэта паведамляе «Интерфакс».
Трагедыя адбылася ў падмаскоўным Нагінску ў ноч на 18 лютага. Будаўнікі з Беларусі пабіліся на тэрыторыі будаўнічага комплексу.
У выніку загінулі два чалавекі, яшчэ адзін пацярпеў.
Усе ўдзельнікі масавай бойкі – грамадзяне Беларусі, якія былі працаўладкаваныя паводле расейскіх законаў.
Паліцыянты высвятляюць абставіны здарэння і шукаюць удзельнікаў канфлікту.
МГ belsat.eu