У Пружанах на Берасцейшчыне і ў Гомлі ў выніку запуску феерверкаў пацярпелі аўтамабілі.
Гэтак, у Пружанах здарэнне адбылося на вуліцы Інтэрнацыянальнай. На запісе з камеры вонкавага назірання бачна, як маладыя людзі ўсталявалі феерверк проста на паркоўцы.
Але ўстаноўка пасля першага залпу ўпала і зарады паляцелі ў аўтамабілі, якія стаялі побач.
Падобны выпадак адбыўся і ў Гомлі каля дому на вуліцы Працоўнай. Там піратэхнікай быў пашкоджаны бампер прыпаркаванага двары аўтамабіля Ford, паведамляе «ЧП Гомель».
Міліцыя праводзіць праверку.
МГ belsat.eu
