У другой палове дня 15 красавіка ў сярэднявечным саборы Нотр-Дам-дэ-Пары адбыўся буйны пажар. Абрынуўся шпіль і дах. На месца пажару прыбыў прэзідэнт Францыі, паведамляе Reuters.
Што вядома па стане на 23.50 (па менскім часе). Галоўнае.
- Пажар распачаўся прыкладна каля 19 гадзінаў па мясцовым часе (20 па Менску). Сабор быў ужо зачынены, таму чалавечых ахвяраў атрымалася пазбегнуць.
- У выніку пажару абрынуўся шпіль і дах сабору Нотр-Дам. Барацьба з агнём працягваецца дагэтуль, уначы. МУС Францыі не выключае, што сабор выратаваць ужо не атрымаецца.
- Улады пакуль не высветлілі, што стала прычынай пажару. Аднак вядома, што апошнім часам у саборы праводзіліся рамонтныя працы – Нотр-Дам быў застаўлены будаўнічымі лясамі.
- Каталіцкі сабор Нотр-Дам-дэ-Пары быў пабудаваны ў XII стагоддзі. Гэта адзін з сімвалаў французскай сталіцы, сусветна вядомы помнік архітэктуры. Ён унесены ў спіс Сусветнай спадчыны ЮНЭСКО. Палітыкі з усяго свету выказваюць свае спачуванні французам у сувязі з пажарам у саборы.
Відэастрым з месца падзеяў вядзе выданне «El Pais»
Улады заяўляюць, што пацярпелых пры пажары няма.
Французскія СМІ паведамляюць, што ў выніку пажару шпіль сабору абрынуўся. Адпаведнае відэа ўжо трапіла ў сацыяльныя сеткі.
https://twitter.com/patrickgaley/status/1117848909877895171?ref_src=twsrc%5Etfw%7Ctwcamp%5Etweetembed%7Ctwterm%5E1117848909877895171&ref_url=https%3A%2F%2Fwww.bbc.com%2Frussian%2Flive%2Fnews-47937999
Прэс-сакратара Нотр-даму Андрэ Фіно заявіў, што ўвесь драўляны інтэр’ер помніка архітэктуры гарыць і, хутчэй за ўсё, будзе разбураны.
«Як і ўсім нашым суайчыннікам, мне сёння сумна бачыць, як гарыць цэлая частка ўсіх нас», – напісаў на сваёй старонцы ў Twitter прэзідэнт Францыі Эманюэль Макрон.
Еўрапейскія палітыкі ўжо выказваюць спачуванні французам.
Пакуль не паведамляецца, што стала прычынай здарэння, адзначае Reuters.
Бі-бі-сі адзначае, што апошні раз Нотр-дам атрымліваў сур’ёзныя пашкоджанні ў канцы XVIII стагоддзя, падчас Вялікай Французскай рэвалюцыі. Дзве сусветных вайны амаль не закранулі сабор.
https://www.facebook.com/100000952329168/posts/2693031240738594?sfns=mo
Здарэнне адбылося падчас рамонту сабору – Нотр-Дам быў застаўлены будаўнічымі лясамі.
https://twitter.com/leistomania93/status/1117838367729704960?ref_src=twsrc%5Etfw%7Ctwcamp%5Etweetembed%7Ctwterm%5E1117838367729704960&ref_url=https%3A%2F%2Fnv.ua%2Fworld%2Fcountries%2Fv-parizhe-zagorelsya-sobor-notr-dam-50016710.html
Нотр-Дам-дэ-Пары – каталіцкі храм у цэнтры Парыжа, адзін з сімвалаў французскай сталіцы. Быў пабудаваны ў XII стагоддзі.
ІІ belsat.eu
