Наступны конкурс «Еўрабачанне» адбудзецца ў Лісабоне, Партугалія. 7 лістапада арганізатары прадставілі свету лагатып і слоган 2018 году.
Партугалія будзе прымаць конкурс у 2018 годзе ўпершыню за сваю гісторыю, пасля таго як партугальскі спявак Сальвадор Сабрал здабыў у гэтым годзе перамогу на конкурсе ў Кіеве.
«Усе на борт!» – новы слоган «Еўрабачання». Арганізатары тлумачаць, што гэты слоган сімвалізуе ролю Лісабону як кропкі, якая звязвала Еўропу з астатнім светам праз марскія шляхі. У 2018 годзе з такім слоганам Партугалія запрашае далучацца да свята ўсю міжнародную супольнасць.
Лагатып «Еўрабачання»-2018 выкананы ў трынаццаці варыянтах, адзін – асноўны і дванаццаць яго варыянтаў на марскую тэматыку.
42 краіны будуць удзельнічаць у наступным конкурсе «Еўрабачання», паўфінал якога пройдзе 8-га, а фінал 12-га траўня 2018 году.
Беларускі гурт «NAVI» у 2017 годзе ў Кіеве заняў 17-е месца з беларускамоўнай песняй «Гісторыя майго жыцця».
Каго адправіць на «Еўрабачанне», каб перамагчы?
ВЧ, belsat.eu
