Відэа допыту маньяка выклаў канал HUE на «YouTube» 15 верасня. Хлопец распавядае, што ён быў у вышуку за забойства кацянятаў. Жывадзёр прызнаўся ў злачынстве і сказаў, што шкадуе.
«Шкадую, што рабіў… здымаў гэтыя дзеянні на камеру. Атрымліваецца, што таксама справакаваў хвалю незадаволення».
На пытанне следчага, ці шкада яму жывёлінаў, ён кажа, што «цяжка сказаць».
«Некаторых было, а так я нічога не адчуваў. У мяне ў самога ёсць кот. Я з яго не здзекаваўся».
«Лепш бы сабак адстрэльваў»
Хлопец прызнаецца, што ў дзяцінстве і ў 16-гадовым узросце яго атакаваў сабака і спрабаваў загрызці.
«Лепш бы сабак адстрэльваў. Гэта хаця б выглядала неяк… больш прэстыжна. А то мяне пачнуць папракаць, што кацянятаў».
Кацянятаў шукаў у газеце і браў з аб’яваў. Усяго прызнаецца, што забіў «прыкладна 6 кацянятаў».
Пра беларуса, які зварыў кацяня і даслаў фота абаронцы жывёлінаў, стала вядома ў жніўні. Маньяка лакалізаваць знайсці дзякуючы жыхарцы Мазыра, якая апазнала на фота сваё кацяня. Яна аддала яго «высокаму, хударляваму чалавеку з даўгімі, тлустымі валасамі» па абʼяве, не ведаючы, чым ён займаецца.
ДР belsat.eu
