У ЗША затрымалі мужчыну, які пашкодзіў знакамітую статую быка на Ўол-стрыт. Пра гэта паведамляе тэлеканал CBS са спасылкай на паліцыю.
42-гадовы Тэвон Варлак з Тэхасу ўдарыў па статуі музычным інструментам. У выніку каля правага рога быка ўтварыліся трэшчыны і драпіны.
Паліцыя затрымала нападніка. Яго вінавацяць у хуліганстве і парушэнні грамадскага парадку.
Скульптуру «Атакуючы бык», якая лічыцца адным з сімвалаў Ўол-стрыт, усталявалі каля Нью-Ёркскай фондавай біржы ў 1989 годзе.
У 2008 і 2017 гадах статую двойчы аблілі сіняй фарбай.
МГ belsat.eu