Наваполацкі «Нафтан» пачаў прымаць на перапрацоўку танкерную нафту, пастаўленую праз Клайпеду. Пра гэта паведаміў 7 сакавіка гендырэктар «Нафтану» Аляксандр Дзямідаў.
Чарговы цягнік з расейскай нафтай, закупленай праз трэйдараў без прэміі, прыбыў на «Нафтан» 7 сакавіка. Зараз на прадпрыемстве ідзе працэс зліву ды праводзяцца аналізы якасці нафты, пасля чаго яе ўключаць у перапрацоўку, паведамляе БелТА.
«Усё ідзе ў штатным рэжыме«, – падкрэсліў гендырэктар «Нафтану» Аляксандр Дзямідаў.
Гэта другая ў пастаўка танкернай сыравіны, якую сёлета даставілі на »Нафтан« чыгуначным транспартам з порта Клайпеды. Першая была ў студзені-лютым, тады было прынята на перапрацоўку 86 тыс. тонаў нарвежскай нафты гатунку «Johan Sverdrup».
Уся другая партыя нафты – 160 тыс. тонаў – будзе пастаўленая на «Нафтан» у сакавіку.
МГ belsat.eu
