Гэтае пытанне абмяркоўвалася сёння на нарадзе ў Аляксандра Лукашэнкі, прысвечанай эпідэміялагічнай сітуацыі ў краіне, перадае БелТА.
«Мы дамаўляліся аб тым (Міністэрства аховы здароўя папрасіў), што нам трэба пасунуць па часе аўтамабільны транспарт, каб развесці патокі ў аўтобусах працаўнікоў і студэнтаў.
Хай студэнты трошкі пазней пачынаюць заняткі ва ўніверсітэтах, яны будуць пазней ехаць на грамадскім транспарце, калі асноўны паток працаўнікоў патрапіць на свае прадпрыемствы. Гэта нават будзе зручней і для гораду», – сказаў Аляксандр Лукашэнка.
Паводле яго слоў, гэтае рашэнне перш за ўсё датычыць Менску.
Беларускім грамадзянам таксама рэкамендуецца пры магчымасці пабыць у самаізаляцыі.
«Людзям трэба раіць, каб яны заставаліся дома. Трэба мабілізаваць нашы сацыяльныя службы, каб дапамагалі старым, у якіх дзяцей няма, якім ніхто дапамагчы не можа. Трэба іх зараз апекаваць. Мы мусім зрабіць усё, каб яны змаглі выйсці з гэтай сезоннай агіды без страт», – дадаў ён.
КА belsat.eu