Як паведамляе TUT.by, у Менску памёр 38-гадовы кіроўца машыны «хуткай дапамогі». Прычыны трагедыі пакуль невядомыя, праваахоўныя органы праводзяць праверку.
Паводле інфармацыі калегаў, у мужчыны амаль тры тыдні трымалася тэмпература (37,5-37,6 градусаў), за апошні час ён двойчы быў на бальнічным.
«Ведаеце, у кіроўцаў хуткай дапамогі цяпер размовы на адну тэму – каронавірус. Усе асцерагаюцца за сваё здароўе, таксама і Лёша баяўся, але аналізы такога роду нам робяць толькі ў тым выпадку, калі быў кантакт з заражаным. Наколькі мне вядома, Аляксею такі аналіз не рабілі», – распавёў калега памерлага.
Паводле суразмоўцы TUT.by, Аляксею было 38 гадоў, у яго не было ніякіх хранічных захворванняў, якія маглі б скончыцца смяротным зыходам.
У Следчым камітэт паведамляюць, што па факце смерці 38-гадовага мужчыны праводзіцца праверка. Прызначана судова-медычная экспертыза.
ІІ belsat.eu