«Менсктранс» пачаў апрацоўваць дэзынфекцыйнымі сродкамі ўвесь наземны грамадскі транспарт, паведамляе «Минск-Новости».
Праз каронавірус усе аўтобусы, якія перавозяць пасажыраў у сталіцы, пасля вяртання з лініі апрацоўваюць дэзынфекцыйнымі сродкамі.
«Калі аўтобус за дзень выходзіць на лінію двойчы ён адпаведна і два разы апрацоўваецца, у тым ліку і дэзынфекцыйнымі сродкамі, якія дазваляюць забяспечыць антыбактэрыйную абарону пасажыраў у яго салоне. Час прывядзення тэхнікі ў парадак залежыць ад яе мадэлі. На 107-ю мадэль аўтобуса МАЗ у сярэднім сыходзіць каля 15 хвілін, на 203-ю – 10-12 хвілін», – распавёў галоўны інжынер транспартнага парку Ігар Кульваноўскі.
Апрацаванне грамадскага транспарту ў Менску распачалося з 24 лютага. Акрамя мыцця падлогі выкарыстоўваецца і аэразольнае апрацаванне.