У сталіцы Расеі ўвядуць аўтаматычны рэжым кантролю за перамяшчэннем грамадзянаў. Мэр Масквы Сяргей Сабянін анансаваў дадатковыя захады, скіраваныя на недапушчэнне распаўсюду каронавіруса.
З 22 красавіка для праезду ў гарадскім грамадскім транспарце можна будзе выкарыстоўваць толькі карты «Тройка», «Стрэлка», месячны адзіны праязны білет, а таксама сацыяльныя карты масквіча і жыхара Маскоўскай вобласці (далей – электронныя карты). Пасажыры мусяць у абавязковым парадку ўключыць іх нумары ў свае лічбавыя пропускі не менш чым за 5 гадзінаў да пачатку першай паездкі. З 22 красавіка і да 1 траўня дзеянне ўсіх іншых праязных квіткоў прыпыняецца.
З мэтай кантралявання прапускнога рэжыму за паездкамі на аўтамабілі задзейнічаюць камеры фотавідэафіксавання парушэнняў ПДР і дарожна-патрульную службу Дзяржаўтаінспекцыі.
Лічбавыя пропускі могуць не атрымліваць вайскоўцы, супрацоўнікі праваахоўных органаў і іншыя ўладальнікі пасведчанняў дзяржаўнага ўзору. Аналагічныя правілы будуць дзейнічаць у дачыненні да журналістаў, якія маюць рэдакцыйныя пасведчанні.
Лічбавыя пропускі не распаўсюджваецца на сферу грузавых аўтаперавозак.
Іншыя часовыя абмежаванні, якія кіраўніцтва гораду ўвяло з 13 красавіка працягваюцца да 1 траўня 2020 года.
У Расеі, паводле афіцыйных звестак, выявілі 36 793 выпадкаў інфікавання каронавірусам. Ахвярамі хваробы сталі 313 чалавека. Паправіліся і выпісаныя з шпіталяў 3 057 асобаў.
СК belsat.eu
