У адной з вайсковых частак Горадні жаўнер тэрміновай службы, які раней скардзіўся знаёмым на дзедаўшчыну і грашовыя паборы, спрабаваў скончыць жыццё самагубствам, ускрыўшы сабе вены. Яго знайшлі ў прыбіральні ўвечары 15 траўня.
У Міністэрстве абароны выпадак прызналі, але заявілі, што вены сабе жаўнер не ўскрываў – толькі нанёс драпіны, якія не пагражаюць жыццю ды здароўю, паведамляе TUT.by.
У ведамстве адзначылі, што раней вайсковец неаднаразова абследаваўся ў адмысловых медычных установах, у тым ліку для дыягностыкі засмучэння адаптацыі, эмоцый і паводзін. Але спецыялісты прызналі яго псіхічна здаровым.
У Міністэрстве падазраюць, што сваім учынкам жаўнер, які адслужыў паўгода, спрабаваў ухіліцца ад вайсковай службы. Калі падазрэнне пацвердзіцца, яго могуць прыцягнуць да крымінальнай за спробу ўхілення ад вайсковай службы.
МГ belsat.eu
