Еўразвяз і Рада Еўропы зноў заклікалі Менск увесці мараторый на смяротнае пакаранне. Заявы былі зробленыя ў сувязі з вынясеннем смяротнага выраку ў дачыненні 50-гадовага Віктара Паўлава, якога прызналі вінаватым у забойстве дзвюх пенсіянерак у вёсцы Прысушына напярэдадні новага 2019 года.
Вярхоўны прадстаўнік Еўразвяза па замежных справах і палітыцы бяспекі Мая Кацыянчыч адзначыла, што ўвядзенне мараторыя на смяротнае пакаранне было б станоўчым першым крокам на шляху да яго адмены ў Беларусі. Паводле яе, «рэальныя крокі ў выкананні правоў чалавека застаюцца ключавымі для фармавання будучай палітыкі Еўразвязу ў дачыненні Беларусі».
У заяве Кацыянчыч адзначаецца, што ЕЗ выказвае спачуванне сваякам загінулых у выніку злачынства Віктара Паўлава. Але падкрэсліваецца, што смяротнае пакаранне нельга выкарыстоўваць у любым выпадку.
«Беларусь – адзіная краіна ва ўсёй Еўропе, якая ўсё яшчэ расстрэльвае людзей. Смяротнае пакаранне не служыць сродкам стрымлівання злачынстваў, і любыя памылкі становяцца незваротнымі», – кажа вярхоўная прадстаўніца Еўразвяза.
#Belarus: Commuting the remaining death sentences and introducing a moratorium on the death penalty would be a positive first step towards its abolition. Full statement here https://t.co/gXI8jujHjK
— Maja Kocijančič (@MajaEUspox) July 30, 2019
Афіцыйны прадстаўнік генеральнага сакратара Рады Еўропы Даньель Гольтген таксама асудзіў новы смяротны вырак у Беларусі.
We condemn the death sentence pronounced today by the Vitebsk Regional Court in #Belarus. Death is not justice. We reiterate our call on the authorities to impose a moratorium on the application of #deathpenalty as the first step towards its abolition.
— Daniel Holtgen (@CoESpokesperson) July 30, 2019
«Смерць – гэта не справядлівасць. Мы яшчэ раз заклікаем улады ўвесці мараторый на прымяненне смяротнага пакарання як першы крок да яго адмены», – адзначаецца ў заяве.
ІІ belsat.eu