23 студзеня ў Еўрапейскім парламенце разгледзелі беларускае пытанне. Пра гэта з Бруселю паведамляе карэспандэнт «Белсату» Алесь Сіліч.
Дыскусія адбылася з ініцыятывы спецдакладчыка Еўрапарламенту па Беларусі Пятраса Аўштравічуса. Удзел у слуханнях прынялі еўрадэпутаты, прадстаўнікі Еўрапейскай камісіі, палітолагі, журналісты, прадстаўнікі ўкраінскіх арганізацыяў.
З беларускага боку ўдзельнічалі Анатоль Лябедзька (Цэнтр «Еўрапейскі дыялог»), Ірына Сухій (арганізацыя «Экадом»), Вольга Карач (ініцыятыва «Наш Дом») і Алесь Сілкоў (кампанія «Права выбару»).
Падчас слуханняў абмяркоўваліся тры асноўныя пытанні: будаўніцтва БелАЭС, мінулыя парламенцкія выбары ды перспектывы беларускай незалежнасці ў сувязі з паглыбленнем інтэграцыі з Расеяй.
Ніякіх рэзалюцыяў па выніках дыскусіі не прымалася.
МГ belsat.eu